DISCLAIMER: Ang mga musonod, obserbasyon lang basi sa mga istorya nga akong nadunggan sa mga tawo sa akong palibot. Pero, kining mga timailhan, posible gihapon nga maoy makatabang aron maila kung ang imong partner nagdula ba ug kalayo o wala.
Mas maayo nga panid-an sa hingpit ang inyong mga partner. Bisag unsaun ug tago-tago, ang aso di gyud makumkum (matod pa sa panultihon).
So, kung musobra sa tulo ang imong makit-an ani sa imong partner, aw, bantay-bantay lang. Ayaw diretsoa ug away kung dili panid-an lang una nimo. Basin diay ang mga musonod na pagka-usab sa kinaiya o lihok sa imong partner gusto lang niya na mulungtad pa o mas motam-is pa ang inyong panagtipon.
- Sa una, dili kaayo kaayo sya sweet, nikalit lang ug ka sweet sa imo karon (hmmm... panid-i lang.)
- Sa una, dili sya gapahumot o gama-merfume, karon gapilit na iyang kahumot sa balay, ug dugay kaayo mawala ang kahumot.
- Sa una, dili sya kabalo ug e-mail, chat ug friendster. Karon, sige na sya ug online bisag gabii na kaayo naa lang gihapon iya nawong sa computer.
- Sa una, iyang cellphone biyaan lang niya sa lamisa, di kaayo niya bali-balihon kung mobagting iyang cellphone. Karon dili na nimo makita gayaka ang iyang cellphone bisag asa, kay kanunay naa sa iyang bulsa, ilalom sa iyang unlan, bisag maligo or malibang dal-on ang cellphone sa banyo nakasilent pa gyud usahay.
- Kung wala man galing niya gidala-dala iyang cellphone, naka lock ang keypad ug dili nimo ma open kay naa pa gyud security code.
- Ang ngalan sa babae sa iyang phonebook lalaki na. Kung babae sad, ang ngalan sa lalaki babae na. Permi empty ang sent items ug walay record sa outgoing calls, duration of calls ug limpyo ang log sa iyang cellphone.
- Daghan ang sim nga iyang gagamiton.
- Ang iyang pitaka sa una bisag utingkayon nimo di sya masuko. Karon dili na nimo makita sa bulsa sa iyang karsones. Ug kung mausab ang arrangement sa iyang pitaka, masuko sya kay nganong gapanghilabot ka, kay "violation of privacy" daw.
- Ang iyang sweldo sa una permi nimo makita ang payslip o paycheck ug ikaw ang gahawid sa iyang ATM. Karon permi na kulang ang iyang remittance ug ang ATM sya na ang gahawid.
- Halos kada gabii na sya dugay mouli. Usahay sayo... sayo sa kadlawon ug humot babaye ug nakainom ba kaha.
- Kung babaye pud, kabalo na mo-gimmick. Muoban na sa iyang mga barkada na noted nga mga kiatan
- Sa una kung pag-pinarayganay mo, OK lang sa iya kung pirmi lang missionary position (normal position) mo. Pero karon, mo-suggest na sya na, "Ingon ani-on o..."
- Sa una maghilak gyud ang adlaw kung dili sya maka-ingon ug, "I love you" sa imo. Pero karon, kung moingon kag, "I love you" sa iyaha. Moingon lang syag, "I know."
- Sa una iyang sininaan, out of fashion. Wala syay pakialam kung naa sa uso ba iyang gisuot o wala. Karon mara na hinoon syag ulitawo sa iyang get-up. Halos pareha na silag sininaan sa imong anak na ulitawo. Sa babaye, sad sexy na kaayo ug sininaan. Mara pud ug dalaga.
- Sa una, wala sya paki-alam kung di na niya makit-an iyang ubos tungod sa kadako na sa iyang tiyan o bilbil. Karon, sige na sya adto sa gym (ga-gym ka part?)
Karon, naa na kamo'y idea. Kung ugaling mamatikdan ni ninyo sa inyong partners, paniid lang ug ayaw kawala sa paglaum. Hinuon, ipabati nimo ang imong pagpangga ug pag higugma sa iya.
Para sa babae o lalaki, mas maayo siguro na dili sad ta magpasagad sa atong kaugalingon. Kay basin sad ug permi na lang ka manimahong suka o wala ka nay panudlay, way panotbras, di na gapanghimasa sa gabii, lusyang na imong sininaan, baho na imong ilok, baho na imong baba ug baho na sad imong tiil...
O di ba?
Technorati Tags: kabit, unfaithful, infidelity, bisaya blog, pinoy blog, saksak sinagol, gagong rapper, kabet
Tags created with Ukion Tag Generator
