Kung Unsay Kusog Nga Negosyo...

Diri sa among dapit, nag lumbay ang gapamaligya ug chicken alacarte, sa atbang naay puy naglinya nga nagtinda ug sari-sari store, karenderya, loading station, internet cafe ug uban pa.

Ngano man nga ang pinoy kasagara sa ato, kung unsay kusog o patok nga negosyo daghan man pud ang mag awat-awat, mag abay-abay o magsikit ra ba gayud ug tukod sa mga tindahan nga parehas ra man unta ug gibaligya?

Nabantayan nako nga sa una usa ra man ang nag karenderya sa atbang, syempre mikusog ang negosyo kay lami ang mga sud-an limpyo ug walay lain namaligya. Pila ka adlaw ug semana ang milabay, naay na may nag sige ug dukdok sa abay kay diay namanday para magtukod sad ug karenderya. Pagligid sa laing mga semana, naa na say nag patindog ug karenderya with videoke, miawat pud tong ikaduhang nagtukod, nagbutang sad ug videoke di kung magdungan ug kanta ang mga customer sa duha ka karenderya, di rambol ang resulta. Maglibog na ka asa ka maminaw....

Pastilan Dolor... ngano man na ba? Kung unsay kusog nga negosyo mag awat-awat man dayon ang uban bisag way hanaw sa negosyo, basta lang ibog-ibog, nasuya ba kaha....

Mas maayo man hinoon nga naay competition para daghan mapilian ang mga customer pero kung makita na gani nga nag linya na ang mga tindahan pareha ra ug baligya, na, wa na nay klaro ang uban.


Technorati Tags: buhay pinoy, kusog nga negosyo, uso nga negosyo, patok na negosyo, negosyo, loading station, karenderya, videoke, masinahon

Tags created with Ukion Tag Generator