Tsismis

Usa sa kahiligan sa mga pinoy mao ang pag tsismis. Kabalo ba mo nga daghan nang pamilya, relasyon, panaghigala ang naguba tungod sa tsimis?

Malingaw man gud ta mag tapok-tapok, labi na sa mga baryo ug kasigpit nga lugar nga medyo way lingaw ang mga tawo kundili mag tsismis.

Pananglitan, nakit-an ang inyong silingan nga dalagang babaye mi-uli ug tungang gabii. Dayon si manang tsismosa, pag ka ugma sa buntag mga ala 6, miadto sa tindahan ni gloria kay mupalit ug isa ka kilong bugas, tulo ka itlog ug isa ka pakang nga mantika para ilang mapamahaw.

Manang: "Mare, kabalo ka ba nga si Inday, nakita-an nako nga tungang gabii na miuli?"

Gloria: "Mao ba mare? Asa kaha to sya gikan nga tungang gabii na, angay ba gud nang ting-uli sa dalaga?

Manang: "Mao gani. Sexy ra ba kaayo ug gisuot. Naka mini skirt ug maong, ug naka tube pa gyud. Sus, mare kung ako nang anak, gi ayo ko na ug kasaba." (Bisag wa gud sya kaklaro unsay gisuot, panaghap lang.)

Gloria: "Lagi, mare no? Naa ra ba ko'y nadunggan istorya nga adtong isa ka gabii pud, kadlawon na si Inday gi-uli, gihatod pa gyud sya ug kotse."

Manang: "Ha? Na mao na siguro nang giingon sa ni Mareng Tessie, nga uyab daw kuno na ni Inday nga tiguwang pero dato?"

Gloria: "Mao ba mare? Sus naunsa man intawon nang mga ginikanan ni Inday, nga wala man kabadlong sa ilang anak. ...

Ug nagpadayon ang ilang tsismis...

Niuli na si Manang ug naay laing mipalit sa tindahan ni Gloria.

Gloria: "Uy, Luz. Kabalo ba ka nga si Inday nga atong silingan, tungang gabii na pud miuli kagabii?

Luz: "Ha, mao ba nang Gloria? Ay, di na man ka ti ngad-an nang Gloria kay kabalo na ka nga kiat man gyud nang bataa sa una pa..."

Hahaha... lain na sad nga impormasyon ang nadawat ni Gloria.

Naa na pud lain nag palit sa tindahan...

Minda: "Nang, papalita ra ko ug toyo isa ka pakete..."

Gloria: "Nia Minda o. Uy, si Inday nga atong silingan ba, kiatan diay na sya? Bantog ra nga sige lang uli ug tungana gabii ug usahay kadlawon pa gyud..."

Minda: "Na, madugay maburusan gyud na sya... "

Mao na ni ron... taas na kaayo ang istorya. Kada hatod sa isa, madugangan ang detalye, wa ra ba gyuy mga proweba.

Hahay, kalooy ni Inday. Gi-tsismisan na ug ayo sa mga silingan. Wala sila nasayod nga si inday ga trabaho sa call center, gikan sa ala sais paingon sa alas dose sa tungang gabii.

Technorati Tags: tsismis, chikka, tabian, himantayon